knowledge is power

Best Wishes.... Ezz El-Din


    كيفيه الاعداد لرحله صيد

    Share

    hamasat elroh

    Number of posts : 268
    Registration date : 2009-03-18

    كيفيه الاعداد لرحله صيد

    Post by hamasat elroh on Thu Mar 19, 2009 2:28 am

    بسم الله الرحمن الرحيم


    اجرائات الاعداد لرحله صيد
    ان شاء الله فى السطور التاليه سوف نتناقش سويا فى كيفيه الاعداد لرحله صيد موفقه ان شاء الله
    فى البدايه نفكر فى القاء الهموم اليوميه والضغوط عن طريق القيام برحله صيد ودي اهم حاجة.
    و بعد كدة الخطوات الأساسية:
    1-اختيار المكان المناسب وتحديد اذا كان مياه مالحه او مياة عزبه .
    2-احتيار الوقت المناسب .
    3-تجهيز العدة يعنى من بوص ومكن وسنار وتلاجه .
    4-تحضير الطعم .



    اولا اختيار المكان:
    عليه عامل مهم جدا يعنى اختيار المكان ممكن يحدد لك نوع الطعم اللى تصطاد بيه وكمان ممكن يحدد لك نوع السمكه اللى هترمى عليا وطريقه اكل السمكه فى المكان دة ودى ترجع للخبرة وطبعا بتكتسبها من الممارسه او من صياد قديم .



    ثانيا اختيار الوقت :
    مهم جدا انك تختار يوم يكون متوسط الرياح على اقل تقدير يعنى ميكونش يوم عاصف ولا يكون يوم مفيهوش نسمه هوى لان دة فيه الميه بتكون رايقه جدا والسمك مش بياكل فى الميه الرايقه
    وانا شخصيا بنصح انه يكون يوم بعد انتهاء النوه مباشرة او بيوم على الاكثر دة لو كنت عاوز تجيب كميه سمك حلوة واحجام كويسه .
    ملحوظه ( النوه هى حاله يكون فيها التقس غير مستقر وتكون الاجواء عاصفه والبحر بيكون عالى جدا ) .



    ثالثا تجهيز العدة :
    ودة بيكون عن طريق انك تراجع على العدة اللى عندة من بوص ومكن وشعر وسنار وكمان مهم جدا ان يكون معايا اكتر من مقاس للسنار وللشعر ويستحسن لو جهزت اكتر من قرمه بأكتر من مقاس سنار ودة طبعا بيسهلك كتير وانتا على الميه يعنى لو قرمه قطعت بتلاقى واحدة تانيه جاهزة بتركبها بسرعه والمفروض ان دى طبيعه الصياد بيتصرف دايما بسرعه دة طبعا من وجهه نظرى .



    رابعا تحضير الطعم :
    طبعا انا خارج لرحله صيد وغالبا مش عارف اى سمكه اللى هتاكل وهتاكل ايه بالظبط
    يعنى بأختصار لازم يكون معايا اكتر من نوع للطعم يعنى يكون معايا مثلا ( جمبرى برغوت او عقر – عجينه – دود اسمعلاوى – دود ارض – دود قراص – وممكن خطرة من على الصخر دة لو فى البحر )
    وطبعا مش لازم تاخد كل الانواع دى يكفى نوعين او تلاته وان شاء الله ربنا هيكرم
    الا اذا .................................................. .... انتوا عرفين طبعا

    ملحوظه :
    فى حاجه مهمه جدا جدا جدا كمان من وجهه نظرى وهى بعد الرجوع من رحله الصيد يجب رعايه العدة اللى كنت بصطاد بيها واحد يقولى يعنى ايه رعايه العدة هى الاهتمام بنظافه البوصه وغسيله كويس جدا وتركها لتجف وتركيبها تانى والمراجعه على القرم اللى معايا يعنى اللى ناقصه سن اربطه ودة يعنى وبالتوفيق ان شاء الله

    اتمنى انى اكون قدرت افيد اخوانى اعضاء المنتدى الحبيب
    والى اللقاء فى رحله صيد ان شاء الله
    ______________________________________________








      Current date/time is Sat Dec 10, 2016 1:42 pm